Banking Note: Chapter -1: RBI

RBI Chanchin:

1. Din tan dan (Establishment):

           Reserve Bank of India (RBI) hi April 1, 1935-ah, Reserve Bank of India Act, 1934 hnuaiah din tan a ni a. A thiltum berte chu pawisa (banknotes) siam chhuah dan thunun te, sum leh pai lama rinhlehawm lohna (monetary stability) vawng tlat tura pawisa khawl te, leh ram chhunga pawisa leh ba (credit) kalpui dan te vil a ni.

          RBI dinna ngaihtuahna hi kum 1923-a Dr. B. R. Ambedkar-a lehkhabu ziah, "The Problem of the Rupee: Its Origin and Its Solution" atanga lo chhuak a ni.Kum 1926-a "Royal Commission on Indian Currency & Finance" te rawtna angin din a ni.He commission hi Hilton Young Commission ti pawhin hriat a ni.A tirah chuan a pui ber (headquarters) chu Kolkata-ah a awm a, mahse kum 1937 khan Mumbai-ah sawn a ni a, tun thlengin tah hian a la awm ta a ni.

          RBI din hmain, Imperial Bank of India-in central banking hna thenkhat a lo thawk thin a, mahse thuneihna nasa zawk a nei lo.Controller of Capital Issues-in Capital Issues (Control) Act of 1947 hnuaiah capital market a lo enkawl thin.

🕵🏻Nationalization (Ram tana lak):

          RBI hi January 1, 1949-ah khan Reserve Bank (Transfer to Public Ownership) Act, 1948 hmangin ram pum tana hman (nationalised) a ni a. Share zawng zawng sorkar kuta hlan a ni a, he hian monetary policy sorkar-in a thunun theih nan kawng a hawng a ni.

🕵🏻 Evolution (Hmasawnna): RBI hi hun kal chho zelah a danpui (foundational act) te siamremin leh hmalakna thar te hmangin financial system titha turin a inthlak chho reng a ni.Hmasawnna langsar tak te chu 2016-a Monetary Policy Committee (MPC) din te leh financial inclusion (mi tin sumdawnna lama an tel ve theih nan) leh digital banking lampang uar te a ni.

🕵🏻Thil Pawimawh Dangte: RBI-in financial year a hman thin chu April 1 ațanga March 31 thleng a ni.Tun hma kha chuan July 1 ațanga June 30 a ni țhin a, mahse kum 2021-22 ațang khan April-March cycle hi hman tan a ni.Palm tree leh Sakeibaknei (Tiger) hi RBI emblem (chhinchiahna) a ni.

✅1935 – RBI Governor hmasa ber chu Sir Osborne Smith a ni.

✅1943 – India mi RBI Governor hmasa ber chu CD Deshmukh a ni a, ani hi kum 1944-a Bretton Woods Conference-ah khan a tel bawk.

✅2003 – Hmeichhe Deputy Governor hmasa ber chu KJ Udeshi a ni.Prime Minister zinga RBI Governor lo ni tawh awm chhun chu Manmohan Singh a ni.

📝Reserve Bank of India (RBI) Act:

1. Reserve Bank of India Act, 1934: He Act hi RBI din chhuahna leh hna a thawh dante kaihruaitu lungphun pawimawh tak a ni a, a nihphung leh thuneihna te a tarlang a ni.A chhunga thil pawimawh zualte chu pawisa thar siam chhuah (issuance of currency notes), pawisa leh puk theihte (monetary and credit system) enkawl, leh ram dang pawisa (foreign exchange) hman dan vawn te a ni.

2. Amendments (Siamremna te): Kum tam tak chhungin, he Act hi sum leh pai dinhmun inthlak danglam zela hmachhawn thei turin vawi tam siamrem a ni tawh a. Siamremna lian zual pakhat chu kum 2016-a Monetary Policy Committee (MPC) din hi a ni.Siamremna dangte chu Non-Banking Financial Companies (NBFCs) leh pawisa inthawn kualna (payment systems) te thununna atana siam an ni a,chu chuan RBI dinhmun a ti nghet zual a ni.

3. Objectives (Tum ber te): He Act hian RBI chu sum leh pai dinhmun tiding tur leh, mipuiin sum leh pai kalphung an rinngamna vawng nung turin thuneihna a pe a ni.He Act hian RBI chu sum leh pai hman dan tur (monetary policy) duang tur leh, ram chhung pawisa leh puk theihna kalphungte fel taka kalpui turin thuneihna a pe bawk.

4. Regulatory Framework (Thununna Kalphung): He Act hian RBI chu bank-te leh sum leh pai lama inrawlh pawl dangte vil tur leh thunun turin dan siam (quasi-legislative), hna thawk (quasi-executive), leh thutlukna siam (quasi-judicial) thuneihnate a pe a ni.RBI hian kaihhruaina pek, hremna siam, leh dan zawm lote lakah hmalakna tura thuneihna a nei bawk a ni.

📝Organisational Structure:

1. Central Board of Directors: RBI Central Board of Directors hi thutlukna siamtu sang ber an ni. Board-ah hian Governor pakhat, Deputy Governor pali, leh sorkar laipui (Government of India) ruat director dangte an tel a ni.Governor hi Chief Executive Officer niin, RBI nitin hnathawh dante a vil thin.Board member zawng zawng hi a tam berah mi 21 an ni thei.Board hi RBI Act-a Section 8 tlawhchhanin sorkar laipuiin a ruat thin a ni.

Section 7 hian sorkar laipui hnena thuneihna a pe a, vantlang tana a tul a nih chuan RBI Board hi thununin thupui an pe thei a ni.RBI Board director nih thei lohte chu:Sorkar hnuai pisaa hlawh nei (sorkarin a puala a ruatte erawh an tel thei).Ba rul thei lova puan (insolvent) emaw, ba rul thei lova hrensaktute.

2. Deputy Governors: Deputy Governor tinte hian portfolio bik (thawh tûr bituk) an nei ṭheuh a, chungte chu: bank kaihhruaina (banking regulation), sum leh pai inkaihhruaina (monetary policy), sum leh pai dâwrna (financial markets), leh ram danga sum dawnna leh kalpuitu (external investments and operations) te an ni.Deputy Governor-te hian mahni bial ṭheuhvah policy duanna leh kalpui leh hna thawh kawngah mawhphurhna pawimawh tak an nei.

3. Regional Offices (Bial Office-te): RBI hian India rama khawpui lian deuhte, entirnan Mumbai, Delhi, Kolkata, leh Chennai-ah Regional Office an nei. Hêng office-te hian bial (region) hrang hranga RBI policy-te hlawhtling taka kalpui a nih theih nân hna an thawk a ni.Regional office-te hian tualchhunga bank-te, sum leh pai enkawltu (financial institutions) te, leh vantlang mipuite nena indâwrna hun remchang an siamsak bawk ṭhin.

4. Departments and Divisions (Pêng leh Office hrang hrangte): RBI hian hna bik thawk tûr pêng (departments and divisions) hrang hrang a nei a, chungte chu: bank viltu (banking supervision), pawisa enkawltu (currency management), sum leh pai zirchianna (economic research), leh mi zawng zawng sum leh pai enkawlna lama telh (financial inclusion) te an ni.Department tinte hi hotu lian (senior official) ten an ho va, anni hian Deputy Governor emaw, Governor emaw hnênah report an pe ṭhin.

5. Subsidiaries and Affiliates (A hnuaia pêng/pawl inzawmte): RBI hian a hnuaia pêng leh pawl inzawm hrang hrang a din a, chungte chu: Deposit Insurance and Credit Guarantee Corporation (DICGC), National Payments Corporation of India (NPCI), leh Bharatiya Reserve Bank Note Mudran Private Limited (BRBNMPL) te an ni.Hêng pawl hrang hrangte hian RBI hna pawimawh tak tak—insurance (deposit insurance), pawisa thawn kualna (payment systems), leh pawisa chhutna (currency printing) kawngah te—mawhphurhna pawimawh tak an nei a ni.

📝Functions of RBI:

1. Monetary Authority (Sum leh Pai Thuneitu):

✅Sum leh pai hmanna dan (Monetary Policy) siam: RBI hian thil man tih ngheh nan leh economy tih hmasawn nan sum leh pai hmanna dan (Monetary Policy) a siam a, a kengkawh bawk a ni. Repo rate, reverse repo rate, leh Cash Reserve Ratio (CRR) te hi—— hmanrua atan a hmang thin.Monetary Policy Committee (MPC) hi interest rate (pung) bituktu an ni a, RBI-a thawk leh pawn lama thiam bik (external experts) te an tel a ni

✅Thil man sang (Inflation) khuahkhirh: Sawrkarin thil man san dan tur bithliah a siam (tuna 4% leh margin 2%) chhunga thil man san dan vawn reng hi RBI tum ber a ni. Hei hian thil man a ti nghet a, thil man sang lutuk tur lakah mipui a venghim bawk a ni.

       — Economy dinhmun leh hmathlir (forecasts) thlirlet rengin, thil man san dan tur bituk hi tlin a nih theih nan siamrem ngai lai te a siamrem thin a ni.

✅ Liquidity Management (Pawisa tam dan leh tlem dan enkawlna): RBI hian banking system-a pawisa (liquidity) tam lutuk leh tlem lutuk a awm loh nan Open Market Operations (OMOs) a kalpui thin.Pawisa awm dan thunun (modulate) nan Liquidity Adjustment Facility (LAF) leh Marginal Standing Facility (MSF) ang chi hmanraw (tools) te hi hman an ni thin.

✅Policy Announcements (Policy puan chhuahna): RBI hian a khat tawkin an monetary policy dinhmun a puang chhuak thin a, chutah chuan interest rate leh economy tana himna siam tura hmalakna dangte a tel thin.Policy puan chhuah rual hian, thutlukna an siam chhan hrilhfiahna chipchiar tak an tichhuak bawk thin.

✅ Economic Research and Analysis (Economy chungchang zirchianna): RBI hian economy-a thil thleng leh kalhmang hriatthiam nan leh policy tha zawk an siam theih nan zirchianna (research and analysis) zau tak a kalpui thin. Hemi chhungah hian thil man sang chho zel (inflation dynamics), hmasawnna beiseina (growth prospects), leh sum leh pai lama himna atana hlauhawm thleng thei (financial stability risks) zirchianna te a tel a ni.

        — RBI Bulletin leh Annual Report ang chi thuziak chhuahte hian central bank-te dinhmun thlirna leh an hmachhawpte hriatna remchang an siam a ni.

📝Pawisa Tichhuaktu (Issuer of Currency):

✅ Pawisa Enkawlna (Currency Management): RBI hi India rama pawisa (banknotes) tichhuaktu neih awm chhun a ni. Mipui mamawh khawp pawisa thar leh rintlak a awm reng nan hna a thawk a ni.RBI hian pawisa thar (notes) a siam (design) thla a, a sem chhuak thin a; mahse, thir pawisa (coins) siam erawh chu India Sorkar (Government of India) mawhphurhna a ni thung.

✅ Pawisa Siam leh Tichhuah Dan (Currency Issuance and Design): RBI hian pawisa hlutna zat (denominations) leh a hmelhmang (design) a ruahman thin. Pawisa lem siam a nih loh nan himna thuruk (security features) hrang hrang a dah tel bawk.Mahatma Gandhi series leh pawisa thar (new series) kan hman mekte hi himna thuruk tha zawk nena RBI-in a siam chhuah entirna tha tak an ni.

📝Reserve Bank of India (RBI) Mawhphurhna (role):

✅ Pawisa Semchhuah Dan (Currency Distribution): RBI hian ram pumah pawisa semchhuahna hmun (currency chests) leh sub-chests network a nei a, hemi hmang hian pawisa a semchhuah thin.Bank hrang hrang leh sumdawnna hmun (financial institutions) te hian mipui mamawh phuhru turin he network kaltlang hian pawisa an dawng thin a ni.

✅ Pawisa fai Leh tha chiah hman a nih theih nan (Ensuring Clean Notes): RBI hian pawisa bal, thler, leh hman tlak loh tawh te chu a khawn khawm (withdrawal) thin a, a tharin a thlak thin a ni.Pawisa enkawl fimkhur a pawimawh zia chungchangah mipui zirtirna (awareness campaigns) a nei bawk thin.

✅ Pawisa Lem Dona (Combating Counterfeiting): RBI hian pawisa lem laka ram a him nan leh kan pawisa hman lai te him taka a awm reng nan thuneitu (law enforcement agencies) te nen an thawk ho thin a ni.Pawisa note himna tinghet turin 'watermarks', 'microprinting', leh 'color-shifting inks' ang chi technology thar ber ber te an hmang bawk.

📝 Sum Leh Pai Inkaihhruaina Vawngtu (Regulator of the Financial System):

i) Bank-te Kaihhruaina (Banking Regulation): RBI hian bank hrang hrang te a thununin a vil (supervise) reng a, hei hi sum leh pai dinhmun a him reng nan leh mipui (depositors) pawisa dah te him nan a ni. Inkaihhruaina dan (prudential norms) a siam a, bank-te a endik thin bawk.He inkaihhruaina hian capital adequacy (sum khawl zat tur), asset quality (thil neih hlutna), leh risk management (hloh palh laka invenna) te a huam a ni.

ii) Non-Banking Financial Companies (NBFCs): 

📍NBFC-te thununna: RBI hian Non-Banking Financial Companies (NBFC)-te chu inkaihhruaina fel tak hnuaiah an kal tih a vawng tlat a. Registration te, sum hman tur bituk (capital requirements) te, leh an kalphung (governance) te a siamsak thin.

iii) Enpuitu (Supervisory Framework): Financial institution-te hriselna enfiah turin RBI hian thununna khauh tak a nei a. A hmunah ngei kalin emaw, hla deuh atang emawin an hnathawh dante a vil reng thin a ni.

📍Consumer Protection: Bank hmangtute dikna vawnghim turin RBI hian inkaihhruaina a siam thin. Bank leh mimal inkarah buaina a awm pawhin, Banking Ombudsman Scheme hmangin thubuai a chinfel sak thei bawk.

iv) Financial Stability: Ram chhung sum leh pai dinhmun tiding turin RBI-in hna a thawk thin a. Financial Stability and Development Council (FSDC), Finance Minister-in a kaihhruaina nen tang hovin sum leh pai himna an vawng thin a ni.

i) Foreign Exchange Manager: Ram pawn pawisa (foreign exchange reserves) enkawltu a ni bawk.

— RBI hian ram pawn pawisa khawl (foreign exchange reserves) a vawngin a enkawl a, hengte hi ba (liabilities) rulhna atan leh sum leh pai hman dan policy (monetary policy) thunun nan hman an ni. Heng pawisa khawlte hian economy thutphah (cushion)  atangin, sum leh pai lama harsatna thleng thut thei lakah ram a veng a, rinhlelhawm lohva dinhmun nghet vawng tlat turin a pui bawk.Heng pawisa khawlah hian ram dang pawisate, rangkachak (gold reserves), leh International Monetary Fund (IMF) atanga Special Drawing Rights (SDRs) te a tel a ni.

— Kum 2024 thleng khan, India-a foreign exchange reserve hi khawvel pumah a tam pawl a ni a, ram pawn lam atanga economy rawn nghawr thei lakah humhimna tha tawk tak a pe a ni.Heng pawisa khawlte hi ram hian khawvel pumpui hmaa a bat a tlak theih nan te, kan ram pawisa (rupee) vawng nung tura thlawp nan te, leh sumdawngte rintawkna vawng nung turin a pawimawh em em a ni.

— RBI hian heng pawisa khawlte hi a hman tangkai dan tur ber leh himna leh lak chhuah zung zung theihna (liquidity) vawng tlat chungin a vil reng a ni.

ii) Exchange Rate Management (Sum thar thleng dan enkawlna): RBI hian ram dang pawisa thlengna market-ah inrawlhin, ram hrang hrang pawisa laka kan Rupee hlutna a hniam emaw sang vut vut (volatility) loh nan a vil thin a ni.Ram dang pawisa lei leh zawrh ang chi hmanruate hmangin sum thar thleng dan chu a thunun a, duh tawk chin (desirable range) chhungah a awm reng tih a chian thin a ni.RBI inrawlhna hian ram pawn lama inelna (external competitiveness) vawng nung tur leh ram chhung economy tihngheh nan a pui a ni.Sum thar thleng dan nghet (exchange rate stability) hi economy-a thil man sang lutuk (inflation) thunun nan leh invest-na leh hmasawnna atana boruak tha siam nan a pawimawh hle.RBI hian Foreign Exchange Management Act (FEMA), 1999 hnuaiah ram dang pawisa hmanga thil tih dan tur kaihhruaina leh dan te a siam bawk.

iii) External Sector Management (Ram pawn lam thil enkawlna): RBI hian India ram Balance of Payments (BoP) chu a vilin a enkawl a, hei hian ram dang nena sumdawnna leh investment-te a tlo (sustainable) tih a chian thin a ni.

— Ram dang nena sumdawnna (external transactions) chungchangah hemi kaihhnawih data-te a khawm a, a tichhuak thin bawk. He thil hian trade balance-te, capital flow-te, leh foreign exchange reserve-te chungchangah hriatzauna a siam a ni.Central Bank hian ram pawn nena inzawmna nghet leh tlo a awm theih nan policy-te a duang thin.

— Sorkar leh ram dang inzawmna (international institutions) hrang hrangte nen thawk hovin, sum leh pai lama inthlauhna leh harsatnate chinfel nan leh ram pawn nena inzawmna tihchak nan a thawk thin a ni.Ram pawn nena inzawmna (external sector) vawn that hi sum leh pai dinhmun (economic stability) vawn nan leh thang zel tura a thil tumte tihhlawhtlin nan a pawimawh hle.

📝 Developmental Role (Hmasawnna lama a hna)

i) Financial Inclusion (Mimal tinin sum leh pai inrenchemna leh bank an hman vek theihna): RBI hian mipui hrang hrangin bank leh sum leh pai lama hmasawnna an hman vek theih nan financial inclusion hi a thlawp tlat a ni. Hemi atana hmalatute zingah Pradhan Mantri Jan Dhan Yojana (PMJDY) leh Basic Savings Bank Deposit Accounts (BSBDA)-te hi a tel.

— Bank-te chu thingtlang leh hmun kilkhawr zawka branch-te hawng turin a fuih a, mi rethei zawkte hnena bat (credit) an pek theih nan a tanpui thin.RBI hian sorkar agency-te, financial institution-te, leh NGO-te nen thawk hovin financial literacy program-te a buatsaih thin a ni.He hmalakna hian mimal tinte chu sum leh pai enkawl dan tura hriatna leh hmanrua pein a thuam chak a ni.

— Financial inclusion hi retheihna tih zia awmtu leh economic growth huapzo siamtu bulpui ber pakhatah ngaih a ni.

ii) Priority Sector Lending (Hmasawnna atana pawimawh bik hmuntea pawisa hmantir): 

         RBI hian bank-te chu an pawisa puktir (loans) zat atangin za zela tlem tal chu priority sector-ah te, agriculture (lo neihna), micro leh small enterprises (sumdawnna te nau), leh mi retheite tana in sakna (housing) atan te hman turin thu a pe a ni.He policy hian ram hmasawnna leh mipui vantlang tan sector pawimawh tak takte’n sum leh pai an hmuh reng theih nan a pui a ni.

— Priority sector lending (sector pawimawh hmasate hnena pawisa puk tir) kaihhruaina te hi a khat tawkin enfiah thin a ni a, thil thar mamawh leh harsatna lo chhuak te hmachhawn thei tura siamthat thin a ni.

— Bank, priority sector lending target (tih tur bituk) tling lo te chuan Rural Infrastructure Development Fund (RIDF), NABARD-in a enkawl hnuaiah pawisa an dah (invest) a ngai a ni.Priority sector lending hian ram economy rualkhai taka hmasawnna a thlen bakah, mi maktaduai tam tak eizawnna a tanpui bawk.

iii) Rural Development (Thingtlang hmasawnna): RBI hian khawpui lo zawk hmasawnna tur hian policy leh program hrang hrang a kalpui a. Hei hi thlai tharchhuah tihpun nan te, hmun kilkhawr zawk infrastructure siamthat nan te, leh thingtlang hmun hrang hranga sum leh pai lam in tanpuina (financial services) awlsam zawka an dawn theih nan a ni.Regional Rural Banks (RRBs) leh cooperative bank-te hnathawh dan a vil a, thingtlang mipuite tana tha taka hna an thawh theih nan hma a la thin.RBI hian loneitute leh thingtlang lama sumdawnna te tan refinacing schemes leh interest rate subsidies (pung tlem zawkna) hmangin pawisa puk tur a siam sak bawk.Thingtlang lama sum leh pai mamawhna ti tlem tur hian microfinance institutions leh self-help groups (SHGs) te chawikan hna a thawk bawk a ni.

— Thingtlang hmasawnna hian khawpui leh thingtlang inkar hlatna a tihniam a, mipui zawng zawng huap hmasawnna a thlen a ni.

iv) Infrastructure Development (Hmasawnna hmanrua leh hmunhma te): RBI hian infrastructure hi economy than nan a pawimawh tih a hria a, chuvangin infrastructure project hrang hrang te tan sum hmuh dan tur kawng a zawng thin a ni.Bank leh sum leh pai in enkawltu (financial institutions) te chu infrastructure lama hma la turin leh kawngpui, lawng chawlhna hmun (ports), leh electric tha (power) lama pawisa pe chhuak turin kaihhruaina a pe thin a ni.Infrastructure Debt Funds (IDFs) leh Partial Credit Enhancement (PCE) facility te hi infrastructure project lian leh rei daih tur te tana sum hmuh theihna tura RBI hmalakna te an ni.

      — Reserve Bank India (RBI) hian private sector-te infrastructure siamnaa tel ve turin a fuih a, chu chuan hna a tichak a, a titha bawk. Infrastructure tha hi ram economy than nan leh mipui nunphung tihhmasawn nan a pawimawh hle.

📝Regulator of Payment and Settlement Systems:

i) Digital Payments: Digital-a pawisa inthawn (digital payments) tihlar nan leh pawisa fai hman tlem nan RBI hi a pawimawh hle. NEFT, RTGS, leh UPI ang chi payment system-te hi amah hian a thununin a vil vek a ni.Digital Payment Awareness Campaigns hmangin mipui hnenah digital hman tangkaina te a zirtir thin.RBI hian National Payments Corporation of India (NPCI) nen thawk hovin digital payment hman dan thar leh changkang zawk te an ngaihtuah chhuak thin.

— Hmanraw him leh tluang zawk a awm theih nan leh inbumna laka mipuite an him nan inkaihhruaina fel tak a siam a ni.

— Digital payment hian sum chevel tihfiah nan leh awlsam zawk leh mumal zawka sum kalpui nan a pui bawk.

ii) Payment Banks: RBI hian savings account nei ve thei lo leh hlawh chhia te, hnathawk vakvai te, leh sumdawng te nau te tan Payment Banks hi a din a ni.Payment bank-ah hian pawisa dah (deposit) theih a ni a, mahse limit a awm a; pawisa an puk tir (loan) thei lo va, credit card pawh an pe chhuak thei lo bawk.He bank hi hmun kilkhawr zawka mite pawhin awlsam leh tlawm zawka an hman theih tura ruahman a ni.   

— Payment bank-te hian bank pangngai hman harsa deuhte hnena bank hnathawh hrang hrangte pein, mipui zawng zawng sum leh pai lama an tel ve theihna (financial inclusion) kawngah nasa takin an pui a ni.Payment bank langsar zualte chu Airtel Payments Bank leh India Post Payments Bank te an ni.

iii) Innovation leh Fintech: RBI hian sum leh pai khawihna (financial sector) lama thil thar hmuchhuak turin nasa takin hma a la a, fintech company-te tan boruak ṭha a siam a ni. Thil thar leh rawtna tharte fiahna hmun tur ‘regulatory sandbox’ a siam bawk.Innovation Hub ang chi hmalaknate hian central bank, sum leh pai enkawltu (financial institutions), leh tech startup-te thawhhona ṭha siam an tum a ni.

— RBI hian technology thar chhuak mek ang chi blockchain, artificial intelligence (AI), leh machine learning (ML) te sum leh pai lama hman dan tur kaihhruaina a siam a ni.Heng inkaihhruainate hi thil thar hmuhchhuah leh him taka kalpui a nih theih nan duan an ni a, mipuite venhimna leh sum leh pai lama himna a thlen bawk.Fintech sector hian bank hnathawh dan, thil lei leh zawrh, leh sum leh pai kaihhnawih thil dangte hi awlsam zawkin mipuite hman theih turin a thlak danglam thei a ni.

✅Reserves of RBI (RBI-in a khawl khawmte):

1. Foreign Exchange Reserve (Forex Reserve) of India

🕵️Foreign Currency Assets (Ram dang pawisa)

🕵️Gold (Rangkachak)

🕵️Special Drawing Rights (SDRs)

🕵️Reserve Tranche Position

2. Special Drawing Rights (XDR)Special Drawing Rights hi ram dang pawisa (foreign-exchange) khawl khawm belhna tura hman a ni a, International Monetary Fund (IMF) enkawl leh bituk a ni.